1. Avatangiisinut Aqutsisoqarfiup DCE GNillu akornanni suleqatigiinnissamik isumaqatigiissut

    Pinngortitaleriffimmi uumassusilerituup immikkoortortamilu aqutsisup Josephine Nymandip Avatangiisinut Aqutsisoqarfiup Nationalt Center for Miljø og Energillu (DCE) / Pinngortitaleriffiullu akornanni suleqatigiinnissamik isumaqatigiissut saqqummiuppaa. Josephinep nassuiaatigaa arlaannaannulluunniit attuumassuteqanngitsumik ilisimatuussutsikkut siunnersuisarnerup suunera ilisimatuussutsikkullu suliat qanoq ingerlanneqartarnerat.

  2. Arlaannaannulluunniit attuumassuteqanngitsumik ilisimatuussutsikkut siunnersuisarnerup nassuiaataa

    Arlaannaannulluunniit attuumassuteqanngitsumik ilisimatuussutsikkut siunnersuisarnerup ilisarnaatai ilisimatuussutsikkut siunnersortinit ukunannga ilisaritinneqarput; Gert Asmund, Violeta Hansen, Christian Junker Jørgensen aamma Yu Jia.

  3. Ilisimatuussutsikkut siunnersortimik Violeta Hansenimik ilisarititsineq

    Violeta Hansen DCE-mi ilisimatuujuvoq sulinermilu ilaatigut aatsitassarsiornermik sulianut atatillugu sammisat radioaktivinut tunngasut suliarisarlugit.

  4. Ilisimatuussutsikkut siunnersortimik Gert Asmundimik ilisarititsineq

    Gert Asmund DCE-mi ilisimatuujuvoq Kalaallit Nunaannilu aatsitassarsiornissanut suliniutit avatangiisinut tunngasortai nalilersortarlugit.

  5. Ilisimatuussutsikkut siunnersortimik Christian Junker Jørgensenimik ilisarititsineq

    Christian Junker Jørgensen DCE-mi ilisimatuujuvoq immikkullu siunnersortaalluni ilaatigullu pujoralatserinikkut gassimillu mingutsitsinikkut avatangiisinut silallu pissusianut sunniutissanik suliaqartarluni.